Alltaf á leið í vinnuna...

...þá fæ ég hugmyndirnar!!!  ein með sjálfri mér, labbandi í vinnuna hef ég nógan tíma til að hugsa óáreitt.  Fékk enn eina myndefnishugmyndina og á enn eftir að framkvæma hina hugmyndina með myndefninu "söknuður".  Næsta mynd á eftir henni mun heita "draugar fortíðar".  Hún fjallar um samheldna fjölskyldu sem alltaf hittist, oftast á einum stað, hjá foreldrum mínum t.d. og spilaði og borðaði góðan mat saman.  Það var alltaf fullt hús af fólki.  Svo þegar þrjár manneskjur veiktust og kvöddu þennan heim (allt á aðeins 4 árum) breyttist allt saman.  Húsið tæmdist og næstum enginn kom þangað, aðeins sjaldan.  Myndin mun sýna fjölskyldu við borðstofuborð að spila (ekki endilega mína fjölskyldu) þrjár konur við borðið hafa englavængi og sumir líta venjuæega út meðan aðrir hafa hvítt draugaklæði yfir sér, með göt fyrir augu.spilandi.  Tek það fram að þetta mun ekki vera mynd af minni familíu, bara dæmi um samheldni sem hvarf, allir fóru í sínar áttir og andlát urðu til þess að óteljandi breytingar áttu sér stað.

Athugasemdir

[Anna Viðarsdóttir, 13.7.2012 kl. 21:06]

Já, það eru alltaf einhverjir sem eru "límið" í fjölskyldunum. Manneskjan er í eðli sínu mjög vanaföst. Það getur verið erfitt að koma með nýjar hefðir og nýtt "lím". Því það eru ekki allir sem hafa þetta í sér að vera þessi aðili sem heldur utan um hópinn. Það er ekki að aðrir vilji það ekki, heldur eru ekki sem hafa þetta andarmömmugen sem þarf til.

[Auður Brynjólfsdóttir (IP-tala skráð) 23.7.2012 kl. 17:21]

Já það hafa þetta nefnilega ekki allir í sér. Þeir sem hafa þetta í sér eru þessar sterku og ákveðnu persónur sem hafa svo mikla ást að gefa og eru opnar og skemmtilegar.  Þrjár svoleiðis eru farnar úr fjölskyldunni.  Við reynum okkar besta hér með því að hafa kvennakvöld þegar ég kem til landsins og þau bjarga miklu!:)